髮型師

每個月見髮型師Jayson已成例行公事。
我時常打趣告訴他：我一出糧就黎搵你的啦。好似還債甘，定期要供。
是他鼓勵我一起接受挑戰，留長把頭髮。
他說：只要你能忍受那個不長不短的尷尬期，我會一直陪著你的。
當然，我是孺子不可教也的樣板。
縱使他有海量般的耐心都抵不過我僅有的一湯匙耐性。
好幾個月的反復修剪，才終於把耳邊頭髮的長度留到跟髪腳接近一致，
那日找他修髪，他拉起我的髪腳左看右看，
嘴邊碎碎唸：你個個月甘樣黎剪，幾時得黎留長？唉...

只為當時候我的一個戲言，他每個月都得想辦法為我的頭髮逐點修剪，讓我既可以忍受那尷尬期又可以留長。他是個盡責的髮型師會認真和我討論頭髮，接下來長度會到哪裡，他打算為我做些什麼；又，譬如我會興起問他任何一個我覺得有可能適合我的髮型，他就會嚴肅地一手拿著剪刀，一手摸著下巴在思考。

但其實，更多時候我們是閒聊、吹水，
我每次都會放工后去他髮型屋做他當天最後一個顧客。
髮廊內的其他人也常常因為聽見我們的對話而大笑，
每個月修髪都變成放工后減壓的小時光。

他：你份人咩都唔感興趣，得閒的時候你做乜好？
我：如果真係得閒就咩都唔會做，凈係攤係度望天花板都已經幾好。點解一定要做滴乜嘢？
他：......又講得0岩

我：可唔可以念個辦法，搞搞個頭頂，我唔想見到有髮線。
他：你頭髮一長自然開界見到髮線，你可以甘樣撥過黎，沒人叫你留到成條黃河甘。
我：.......

我：你覺得我塊臉型係咪好大？留BOB髮型會唔會顯得個臉細滴？
他：你塊臉叫大？咪玩啦你。塊臉真係好大，留BOB只會讓你看起來順眼些，唔會令你塊臉變細。
我：......

我：喂，你有新同事？（細細聲）
他：係呀，當年我地一起係英國打工既。只不過我返黎先，佢就最近先返黎。
我：佢剪頭髮的樣好嚴肅認真喔。
他：（望過去後面）係喔。
我：點解你唔認真，仲一直係度同我吹水？
他：剪咗你粒頭甘耐，我駕輕就熟啦。我係同你吹水，因為我熟悉你頭型、臉型咗，但唔代表我沒認真剪你粒頭。剪頭髮要用腦既，唔係真係揸起把剪刀就剪。


有髮型師這麼直白的嗎？我就遇到一個，而且跟他臭味相投。（口臭的臭）